Eanahámádagat

773-24 ruvza-lahpojavri-ligg

Mihtilmas eanadathámádagat

Ruvžačielgi

PDF | Print |

Ruvžačielgi – luovosmássa eanadathámádat johkalegiin ja duoddariin

 

a. Luovosmássat

Norges geologiske undersøkelser (NGU) lea maid ráhkadan luovosmássakárttaid gos sáhttit gávdnat gos eanadagas gávdnojit “Løsmasse formelementer” (luovosmássa hápmeelemeanttat): 

http://www.ngu.no/no/hm/Kart-og-data/Losmasser/

Luovosmássa eanahámádagat leat nugo ruvžačielggit/-hárjjit, buolžačielggit, gárgot, luohkát ja deltát.

Deaddil

  • “vis kart”
  • “lag kart”
  • vállje fylkka ja gieldda: Guovdageaidnu
  • merke ruvttáid 1) “løsmasse formelementer” ja 2) løsmasser (maŋibui ii leat áibbas dárbu dán oktavuođas)

Dán fáddákárttas oaidnit Sis-Finnmárkku stuorámus ruvžačilggiid gaskkal Guovdageainnu ja Kárášjoga:

Oza guovtti guovllus báikkiid gos dát čielggit:

  • čuvvot johkalegiid
  • leat duottareanadaga alde

Čuovvovaš kártasárggadusas lea merkejuvvon alit njuolla ja R gokko čielgi/dievvá manná Láhpojávrri máttabeale:

773-20 finnmarkukvartearageologija

á. Ruvžačielgi ja -dievvá

Gávnnatgo ruvžačielggi/-dievá sárggastusas? Láhpojávrri nuortadavábealde oaidnit maiddái ruvžačielgi. Árvvoštala ahte leago dat seamma čielgi mii joatkašuvvá jávrri nuppe bealde.

b. Ruvžadievvá

Govva čájeha oasáža ruvžadievás máttás guvlui dastán riikkageainnu (RV) Láhpojávrri máttabeale:

773-24 ruvza-lahpojavri

Čájet gova vuorrasat olbmuide iežat lagasbirrasis ja jeara leatgo dákkár dievát sin lagasbirrasis, ja makkár namahusaid sii geavahit.

c. Čielgi, dievvá, hárji

Geahča dárkilit dán guovtti govvosa:

773-25 ruvzagovvidus

Čilge mo navdet dán čielggi/dievá/hárjji leat šaddan.
Árvvoštala dasto vel ahte leigo nannánjiehkki bisánan álfárot vai ain johtimin go dievvá šattai?

 

Moreanaeanadagat

PDF | Print |

Váldodási moreanabuolžžat, -čielggit ja -dievát, moreanamássat ja eará luovosmássat

Váldodássi dás oaivvilda váldodási jiehkkeravda mii šattai nuorat Dryasisáiggis 10-11 duhát jagi dassái.

a. Finnmárkku luovosmássaeanadagat

Geahča dán kvartárageologiija kártta ja mearkačilgehusaid:

773-20-a- finnmarkukvartearageologija

Makkár luovosmássat gávdnojit Finnmárkku eanadagas, ja makkár luovosmássa lea dego govččas dadjat dal miehtá Finnmárkku duoddara?

á. Jiehkkeravda

Geahča dán guokte kártasárggastaga:

773-27 valdodassi finnmarkkus 773-27b valdodassi finnmarkkus

Čilge maid sárggastagat govvidit, ja namut dasto vel mat geográfalaš duovdagat ledje váldodási jiehkkeravdda siskkabealde.

b. Váldodási jiehkkeravda

Geavat kártagirjji ja muital gokko manai Finnmárkkus váldodási jiehkkeravda.

c. Jiehkkeravdakárta

Geahča kvartárageologiija kártta, ja buohtastahte váldodási jiehkkeravddain maid oainnát olgeš govvosis (á-bargobihtás).

773-20-a- finnmarkukvartearageologija

Muital maid oainnát hui ollu birra daid duovdagiid gokko gassa čáhppes sáhcu lea olgeš govvosis á-bargobihtás

č. Finnmárkku duoddara moreanamássat

Govva čájeha moreanamássaid (geaidnorokkis) Finnmárkku duoddaris:

773-28-moreanaavnnasat

Čilge makkár dovdomearkat leat dáid luovosmássain.

d. Jogašbotni luovosávdnasat

Govva čájeha oalgejogašráiggi mii luoitá Kárášjohkii:

773-29-moreanaavnnasat johkaraiggis

Čilge manne dákko šattai jogasráigi (roggi)? Makkár luovosávdnasat leat jogašbotnis, ja manne ii oro leamen sáttu geđggiid gaskkas?

đ. Jogašnjálbmi

Go johka dulvá garrasit, de fievrreduvvojit oasit dáid luovosmássain gitta jogašnjálbmái mii luoitá etnui. Manin gohčoduvvo geađgečoahkádus mii šaddá jogašnjálbmái?